Archive for the ‘Bulgario’ Category

Avino Marto

Se vi ne scias kiu estas avino Marto bonvolu legi tie kaj tie.

Ĉi jare mi sincerkore bondeziras al vi estu sanaj kaj gajaj per viva bulgara martfadeno:

Feliĉon al vi, amikoj!

Advertisements

Protesto kontraŭ ACTA

Sofio, 11.02.2012.

De bulgarlingva blogo ACTA LA VISTA, BABY!

Pli ol 10000 junuloj protestis kontraŭ kaŝe subskribita ACTA de la bulgara estraro.

Ili estas kontraŭ ACTA pro:

  • provo alligi la juron el civitana al privata;
  • reaktiviĝas morala malnoviĝinta labormodelo;
  • alvokos leĝofaradon je rompado de la homaj rajtoj;
  • labormodelo (t.n. “couch potatos”), kiu PIPA, SOPA kaj ACTA defendas, estis de XX jarcento. La solvo estas nova modelo (kiel ekz. iTunes de Apple).

Fotoj de la protesto

Stefka Sabotinova

in memoriam

Belega bulgara najtingalo forlasis tiun mondon.

Sonĝo, vi, mia sonĝo,

sonĝo suspektemulo,

kial min frue dormigis…

“Mi deziras vidi sunplenan verdant landon kun gaiaj bonaj homoj sur la stratoj.”

Oni diris, ke Stefka Sabotinova estas el kantistinoj, kiuj ne detruas fortikaĵojn, sed konkeras animojn…

Ŝia voĉo estis talento de Dio!

Stefka Sabotinova 

Faliĝis la montaro

kaj superŝutis tri ŝafistojn,

tri ŝafistojn, tri amikojn.

Unua petas:“Lasu min,

Min atendas unua amatino.”

Dua petas:”Lasu min,

Min atendas mia fratino.”

Tria petas:” Lasu min,

Min atendas mia panjo.”

Respondas la montaro:

“Jen al vi, tri ŝafistoj –

amatino sopiras tag-tagmeze,

fratino sopiras dumjare,

panjo sopiras ĝistombe.

Tortoj

Tia estas la nia, homa antaŭdestino – tutan vivon labori. Por plezuro oni donis al ni peceton de vivtempo.

Sed kion fari – kiom, tiom!

Tamen la homoj baldaŭ komprenis, ke estas kion fari por beligi sian vivon. Jen:

–         se vi laboras per abomeno kaj malico, via vivo estos nigra kaj malfeliĉa, ĉiam vi estos malkontenta;

–         se vi faras sian laboron apatie kaj enue, via vivo ne estos interesa kaj vigla;

–         se vi en ĉio serĉas kontentiĝon, vi ĉiam estos bonstata!

Bonan ekzemplon mi havas – mia virtuala bulgara amikino simpliblue.

Kiel ĉia dommastrino kaj patrino, ŝi periode devas prepari ion dolĉan okaze de hejma festotago. Klopodplena laboro! Kompreneble, plej facile estas viziti magazenon. Sed kie restas la propran bonrilaton?

Do, ŝi ĉiam preparas specialan torton por la okazo. Jen la tortoj de la lastaj kelkaj da jaroj – pri ili malnecesas paroli, nur povas revi, glutante… 🙂 :

http://www.ipernity.com/doc/lagrafo/album/194167/show

Rigardante tiujn artverkaĵojn mi pensas por mi – ĉu vi ellaboras torton, ĉu konstruas domon, ĉu skribas romanon aŭ semas ĝardenon – se vi enigas sian animon ĉiuj vidos tion!

Kaj se estas lerteco kiel aldono…

…………..

Rim. Ĉio montrita estas ellaboraĵo de lertaj manoj de simpliblue.

Bulgaroj protestas kontraŭ bulgara Guantánamo

En vilaĝo Busmanci apud Sofio ekzistas tiel nomita “Domo por provizora enigo de fremduloj”. Nun la bulgaroj nomigas ĝin “Bulgara Guantánamo”. Kaj estas tute pravaj – la fremduloj vivas en tro malbonaj cirkonstancoj, po 20 personoj en ĉambro, sen kia ajn sanitara helpo.

La fremduloj – inter kiuj gravedulinoj kaj patrinoj kun idoj – estas en proceduro por disponigo de elmigrinta statuto. Samtempe ili estas fermitaj en malliberejo sen iaj rajtoj kaj komunikecoj.

Kelkaj drastaj okazoj lastatempe elverŝiĝis la glaso. Hodiaŭ (dimanĉo) apud la “domo” estiĝis protesto kontraŭ nehumana proprajuĝa malliberigo de senkulpaj homoj.

La protesto estis sangmakulita. La grupo je 15 kapuĉkamuflitaj neonaciistoj atakis tramon en kiu veturis partoprenantoj de protesto. Kelkaj da junuloj estas en hospitalo, al unu el ili devis fari 4 kirurgiaj operacioj por savi el morto. La polico jam malkaŝis kaj arestis 2-n el batemuloj.

Jen kelkaj da fotoj.


Bulgaraj najtingaloj

Bulgara popola kanto flugas en la eterneco

En “Sakŝalmo” mi promesis rakonti pri bulgara kanto, kiu flugas en la kosmo.

Je la 1977 j. estis lanĉataj kosmoŝipoj Voyager 1 kaj 2, kiuj trapasis la orbiton de Plutono en 1990 kaj forlasis la Sun-sistemon en novembro 2004 j.

En ili NASA lokis ambician mesaĝon – speco de tempa kapsulo, celita komuniki rakonton de nia mondo al eventualaj eksterteruloj.

La Voyager mesaĝo estas portata de 12-cola oro-tegita kupra disko enhavanta elektitajn sonojn kaj bildecajn  imagojn, elektitaj por ilustri la diversecon de la vivo kaj kulturo sur la Tero. La enhavo de la disko estis elektita por NASA de komitato prezidita de Carl Sagan de Cornell Universitato. En ĝi estas kolektitaj 115 imagoj, aro de naturaj sonoj kaj muzikaĵoj el diversaj epokoj kaj terkulturoj kaj salutoj je 55 lingvoj. Inter ili ankaŭ bulgara folklora kanto “Izlel je Deljo Hajdutin”, elkantita de fama bulgara popolkantistino Valja Balkanska.

Jen la kanto:

Valja Balkanska

La ora gramofondisko

La elekto de bulgara kanto kaj kantistino ne estas hazarte. Dum multaj dekjaroj bulgaraj voĉoj estas famaj en la mondo. Multe oni povas skribi, sed nun mi proponas al vi nur kelkajn interpretojn de diversaj interpretantoj.

Agrablan aŭskultadon!

London Bulgarian Choir @ BBC 2006 Choir of the Year Final

Le Mystere des voix Bulgares – Bulgarian choir 3 songs

Theodosii Spassov and Le Mystere des Voix Bulgares

Kaj en fino la mian amatŝatatan kanton “Lale li si,zyumbyul li si” (“Ĉu vi tulipo estas, hiacinto estas?”

“Philip Koutev” Choir – “Lale li si,zyumbyul li si”

___________________________

Bonvolu klaki vian impreson:

Martfadenoj de Avino Marto

Pri la plej bondezirema bulgara festotago Baba Marta (Avino Marta – la 1-an de marto) mi skribis pasintjare.

Nun mi denove elkore deziras al vi estu sanaj, helruĝaj kaj feliĉaj!

Jomete frue, ĉar mia bondeziro estas pli speciala – nepovanta ornamigi vin per martfadeno mi proponas vi mem fari tian kaj ornamiĝi por sano, feliĉo kaj amo. Ellaborado estas facila – vi mem vidos.

 

Martfadeno – braceleto

Por vi estos necesaj:
metalfadeno (drato), cilindroforma aĵo (ekz. senodorigilo) ĉirkaŭ kiu volvi draton, ruĝaj kaj blankaj vitroringetoj (du el ili pli grandaj) kaj tenajlo.

  1. Volvu draton 3-4foje ĉirkaŭ la cilindroforma aĵo. Faldu per tenajlo unua flanko de drago (rigardu foton).
  2. En alia flanko surfadenigu 1 vitroringeton, sekva 1 grandan kaj ĉiujn ceterajn.
  3. Finu denove per granda kaj malgranda vitroringeto.
  4. Faldu la duan flankon de grado por ke vitroringetoj ne povas elfadeniĝi.

Martfadeno – braceleto estas preta!

Ĉi ellaboraĵo estas el bulgarlingva blogo. En ĝi havas multenombrajn interesaĵojn – ĉiam klare ilustritaj. La traduko per tradukilo sufiĉos se vi dezirus provi…  🙂