Unu el plej popularaj bulgarpopolaj muzikinstrumentoj estas sakŝalmo (muzikŝalmo, sakfluto). Pri la muzikinstrumento vi povas legi en Vikipedio.
Oni havas informojn pri la sakŝalmo en niaj lokoj ankoraŭ de unua jarcento antaŭ Kristo. En vivmaniero de la bulgaro ĝi estis grandsignifa – akompanis ĉiun gravan eventon en lia vivo.
La plej disvastigitaj popolaj muzikinstrumentoj en Bulgario estas sakŝalmo, ŝalmo (kavalo) kaj guzlo. En diversaj partoj de la lando ilia rangordo estas diversa. Sakŝalmo estas speciale preferata en Rodopoj dum jarmilon ĝisnune.
Nuntempe inter plej popularaj popolmuzikaj grupiĝoj estas “100 sakŝalmoj” (100 каба гайди, 100 kaba gajdi) – ege originala orkestro. Sakflutistoj estas diversaĝaj – de infanoj ĝis avoj! Precipe viroj, ili kuniĝas incidente ludi je grandaj festotagoj – ĉiam sub libera ĉielo.
Mi plezure (kaj iomete kun fiereco 🙂 ) prezentas al vi interpretoj de “100 sakŝalmoj”. Mi esperas, ke vi eksentos la spiriton de mia popolo kaj niaj montanoj.
Agrablan aŭskultadon!
Sakŝalmo 
Sakflutisto 
100 sakŝalmoj
Majstra solo
Mi daŭros ĉi serion. Sekvonta rakonto – pri bulgara kanto, kiu flugas en kosmoso…
___________________________
Bonvolu klaki vian impreson:
La Grafo en Esperanto 